- 积分
- 16301
- 威望
- 4680
- 金钱
- 23
- 阅读权限
- 100
- 性别
- 男
- 来自
- Essen - Shanghai
- 在线时间
- 874 小时
|
43#
发表于 2006-4-6 19:07
| 只看该作者
上海公共汽车之听壁脚
上海公共汽车之听壁脚
作者: 毛豆子
上海公共汽车上常常有最鲜活的市井语言,盛年女人家讲起上海闲话来,浑然地一搭一档,一抽一削,百听不厌。 我来嗨公共汽车上听人讲闲话每趟听了定洋洋。有趟跟阿拉爸爸一道乘车子,下车后伊讲,"侬只小鬼哪能偷听人家讲闲话啦?"我反驳道,“侬勿是啊听了合扎劲嘛?”阿拉爸爸急了,讲,"侬啊做勒太明显了呀,拿整只人合扑上去了。"
我格就是破了勒嗨公共汽车上听壁脚的规矩。公共场所文明听壁脚的规矩是: 侬尽可以拔长自耳朵或暗笑,或赞同,或反驳,或消化, 但是要做出一副闷声大发财的腔调,下车后 尽管再做煞根的传达。 听壁脚讲究合是不动声色 ,上海闲话用了一个动词叫"豁",称得上候分候数:"勒来车子浪厢'豁'到一句",哀种漫不经心的刻意突然之间表现出来,而格"豁"字之妙,还在于伊传神地表达了某种 交自家不搭介,但是压压叫上了心的态度。记得有一趟乘车子,一老阿爹伤风,鼻涕荡发荡发吊勒半空当中,自家还不晓得,身边一女人家拿一切落勒眼里,却是闷声不响,老阿爹鼻涕拖到一半眼看就要吊勿牢了,伊还是不讲,硬劲摒牢勿讲, 才没破了格不动声色的规矩。哀朵鼻涕最后勒来我手背浪厢扑龙通开花的辰光, 伊终究修炼不到家,还是野豁豁笑起来了。真可惜,伊基本上坚持到了终场快,却勒来最后一刻坏了格不动声色合规矩,让我本来要自认倒霉合,现在 因自伊合坏了规矩,暴露了身份,最后遭了我肚皮里厢好一顿合触壁脚。
其实倒啊勿是批评格女乘客,我自家啊是常庄不守听壁脚规矩合,但凡偷听到好白相合地方,总归要捱勿牢偷偷痴笑起来 。侬讲格发言乘客讲到兴头浪厢,伊 物我两忘吧,侬嘴角一牵,伊又马上觉着了,然后伊心下便暗暗一惊,尽管格乘客当然晓得讲闲话大家才听得,格交公共论坛上演讲是 一样合道理,但是伊勒来开讲合辰光,倒并没老明确合意识到格一点,所以发言乘客格辰光会觉着格听了伊闲话,身体有反应合人倒是有点滑稽来。结果伊吓一跳,结果伊再定定神,不禁有点鲜格格,便想再起起蓬头摆摆标劲合,结果反而过了头,一眼眼啊不好笑了,一路向现出怪样合方向滑去,本来自然天成的噱头一点啊没了。可惜了。这辰光,我倒反而象欠了伊一样合,伊巴巴指望我身体进一步起反应合,我却老早没了心相。所以讲,格发言合乘客最好就勒我面部起反应合一煞那,伊啊压压叫笑笑,就此歇搁不讲,才是车厢讲闲话合最高境界。
朋友蛋泥曾经提起,每趟伊勒车子浪厢听到女乘客勒来一段冗长发言后, 总归会得结案陈词道:“侬看来嗨闹,到辰光有得好搞来! ”蛋泥听到格一句合辰光,头浪厢合汗就开始淌淌滴。我觉着格句闲话真是上海女乘客语汇当中,最扎劲,最出淌的一句了,伊非要勒嗨公共场合 ,非要勒嗨听众对象不确定合辰光抛出才效力最大,啊让格位女乘客达到讲闲话辰光合最高点。格辰光,为啥体"到辰光有得好搞来"合前因后果已经不再重要,上海女人的精气元气神气市民气已经才炕勒里厢。格,才是我常庄想念勒来上海过日脚的理由之一。 |
|